最牛资源
史上最好广告
当前位置: 史上最牛 > 中国最牛 > 最娱乐 >

《香港先生选举》十位候选港男大晒冷

2016-09-05 11:47 来源于:未知
热搜标签:
史上最牛网导读: 《香港先生选举》周六(9月10日)在电视城举行决赛,观众可以透过手机应用程式投票选出心水港男。本网记者率先找来最后十强访问,到底他们觉得自己有何长处和短处?心目中最大

《香港先生选举》周六(9月10日)在电视城举行决赛,观众可以透过手机应用程式投票选出心水港男。本网记者率先找来最后十强访问,到底他们觉得自己有何长处和短处?心目中最大竞争对手又是谁?

《香港先生选举》十位候选港男大晒冷
资料图片

 


1. 锺君扬(Freeyon)

年龄:27
职业:教师

 

《香港先生选举》十位候选港男大晒冷
锺君扬(资料图片)


优点:我觉得自己大方得睇,刚柔并重。我自己觉得言行举止好重要,要做好榜样先代表到香港。刚柔并重因为我准备紧唔同喺骚做嘅野,希望将唔同方面发挥出嚟。


缺点:休息得唔够,自己有啲紧张,同埋都想做到最好出嚟。可能瞓少左会影响表现,会注重休息多啲。


最大对手:我自己唔系好想谂其馀九个参赛者,我想同以前同依家嘅我自己斗,唔想唔进步,不断去进步更新自己,多啲野去挑战自己,发挥得最好。

 

 

 

2. 麦凯程(Alex)

年龄:23
职业:毕业生

 

《香港先生选举》十位候选港男大晒冷
麦凯程(资料图片)

 

优点:我喺外国返嚟,我啲广东话有口音,会有啲新鲜感。


缺点:都会系广东话,呢两个月尽量学多啲广东话,同成班兄弟(参赛者)倾多啲偈。我觉得有进步,希望迟啲继续进步落去。


最大对手:都系自己,每个人都唔同,冇得比较。最紧要做好自己,我一定努力表现自己。

 

 

 

3. 梁裕恒(Flow)

年龄:31
职业:消防员(已辞职)

 

《香港先生选举》十位候选港男大晒冷
梁裕恒(资料图片)


优点:我生活裡面不停令自己进步,我喺人生裡面已经准备得好好,外在同内在都会平均。


缺点:我系处女座,我觉得自己每方面都做得唔够好,每方面都有得进步,外内都系。健身想收个比例再靓啲,内面我会继续做好本份,本份永远都唔会够。


最大对手:我会拣自己,因为人生冇必要同人比较,只要今日嘅自己赢到噚日嘅自己,其实我觉得已经赢左。

 

 

4. 黎振烨(Jackson)

年龄:30
职业:模特儿

 

《香港先生选举》十位候选港男大晒冷
黎振烨(资料图片)

 

优点:我系咁多位参赛者裡面最高嗰个同埋肤色最黑嗰个,啲人觉得我好阳光,但其实我好有内涵,我偏向静多过动,我锺意睇书,睇电影,听歌。我希望我一啲内涵野可以俾到观众睇。


缺点:当然有好多野改善,冇一个人系完美。我绝对同完美仲差好远,但我每一样野力臻完美。我相信我好多野都可以活跃啲、主动啲同埋外向啲。


最大对手:我相信系我自己,今次十位参赛者,十个都好平均,条件都好好,我挑战左自己先再挑战佢的。

 

 

5. 胡㻗(Fei)

年龄:22
职业:营运经理

 

《香港先生选举》十位候选港男大晒冷
胡㻗(资料图片)


优点:我好阳光好正面,我自己好锺意做运动,想带正能量俾大家。 


缺点:我好怕羞,但系都唔紧要,我会全力以赴。


最大对手:其实冇对手,我的成班好似兄弟咁,我的尽量做好个骚俾大家睇。冇谂过对手,由观众决定。

 

 

6. 马俊杰(Linus)

年龄:26
职业:模特儿

 

《香港先生选举》十位候选港男大晒冷
马俊杰(资料图片)


优点:斯文嘅外表,同埋健康嘅体魄。


缺点:自己太懒惰,平时督促自己做多啲野,唔俾自己懒落去。


最大对手:Christian(杨灌泽),又靓仔跳舞又肋。

 

 

7. 杨灌泽(Christian)

年龄:19
职业:学生

 

《香港先生选举》十位候选港男大晒冷
杨灌泽(资料图片)


优点:当然系跳舞,我对自己表现都好有信心,因为我平时习惯喺大型比赛喺好多观众面前表演。

 

缺点:我好诚实同埋容易信人。


最大对手:我觉得系Jeffery(梁贤基),因为佢都跳舞,但我的跳唔同舞。

 

 

8. 伍礼骞(Thomas)

年龄:24
职业:模特儿

 

《香港先生选举》十位候选港男大晒冷
伍礼骞(资料图片)


优点:我外表比较man,我性格其实好温柔。如果锺意外刚内柔嘅男人,我就一流。


缺点:我有时会比较懒,不过我好多时都好努力。


最大对手:我的十个嘅质素都非常之高,一时间好难谂边个系最大对手,最大对手暂时系自己,因为我自己仲有好多缺点,同埋好多进步空间,我会不断挑战自己,令自己成为一个真正嘅香港先生。

 

 

9. 丁子朗(Karl)

年龄:19
职业:学生

 

《香港先生选举》十位候选港男大晒冷
丁子朗(资料图片)


优点:我嘅笑容够年青,因为今年19岁,系最年青嘅参赛者,同埋佢的(其他参赛者)话我笑得好大声。


缺点:佢的(其他参赛者)个个身型都好好,我都会努力啲Keep fit,令自己大隻啲。因为我觉得香港先生除左要有内涵之外,身型都好紧要。依家每晚都狂做Sit-up同时又去做Gym,希望比赛当日大隻啲。


最大对手:冇话强敌,每个人都走唔同路线。我走青春文青嘅路线,好难讲边个系最大对手。

 

 

10. 梁贤基(Jeffrey)

年龄:21
职业:学生

 

《香港先生选举》十位候选港男大晒冷
梁贤基(资料图片)


优点:我对才艺(表演)有信心,因为我由细到大都有打功夫,之后到韩国训练舞蹈。


缺点:我做乜都想做到100%,所以呢个带俾我有啲压力,想做到最好。


最大对手:我系温哥华嘅「型男家族」冠军,所以系多伦多嘅「型男家族」冠军Freeyon(锺君扬)。

网友评论
/
推荐文章

免费领取 无限流量卡,顺丰包邮   免费领取 无限流量卡,顺丰包邮