史上最贵成本既电影Top 10部

由华纳兄弟发行既电影《蝙蝠侠对超人：正义曙光》（Batman v Superman: Dawn of Justice），将会喺今个星期五（3月25日）上映，之前有传言指佢喺史上成本最贵既电影，估计达至4.1亿元。其实，以往有唔少荷里活大片，由预算 到最终既製作费都所费不菲。

以下就根据IMDB以同埋以往票房纪录所得，揾嚟呢10套製作费最贵既电影。


10.《异星争霸战：尊卡特传奇》（John Carter） —2.59亿


2012年上映既呢套科幻电影，改编自美国畅销科幻小说"A Princess of Mars"，讲述主角喺美国内战之后，无啦啦被人送左去火星，仲卷入左一场火星族群之间既战争，电影由最初估算会用既2.5亿元，到最后既成本一共用左 2.59亿，而全球票房收益就收2.84亿。


10.《蝙蝠侠：夜神起义》（The Dark Knight Rises）—2.59亿


同样系2012年上映既《蝙蝠侠：夜神起义》，继续由「蝙蝠侠三部曲」同《潜行空间》（Inception）既导演Christopher Nolan执导，起初估计既预算系2.5亿元，最终成套戏用左2.59亿，而票房收益都唔错，达到10.8亿。


10.《哈比人》（The Hobbit）— 2.59亿


2012 年上映既电影《哈比人》，曾获得多个颁奖礼提名，全球票房收益10.2亿，同最初预算既2.5亿元，到后来多成本用多左9百万元，即成套戏最终成本系2.59亿。


9. 《阿凡达》（Avatar） —2.61亿


由James Cameron执导既科幻电影《阿凡达》，2009年上映，成套戏就最终用左2.61亿，超出左原本预算既2.37亿，而全球票房收益达20.8亿，仲喺2010年奥斯卡颁奖礼获得多个后期製作奖项。


8.《加勒比海盗：决战魔盗王》（Pirates of the Caribbean: Dead Man's Chest）— 2.65亿


2006年上映既《加勒比海盗》系列第二集《 加勒比海盗：决战魔盗王》，由最初预算既2.25亿，到最后最终用左2.65亿，导演Gore Verbinski一直由电影系列第一集拍至第三集，今次第二集既全球票房收益达10亿。


7.《未来水世界》（Waterworld） (1995)— 2.71亿


1995年上映既电影《未来水世界》，系一套美国科幻电影，讲述21世纪既地球，因为极地既冰雪融化令海平面上升，倖存既人类散落喺海洋上面既生活。电影最初预算为1.75亿，而最终整套戏既成本一共用左2.71亿，最终票房收益2.64亿。



6.《哈利波特：混血王子的背叛》（Harry Potter and the Half-Blood Prince） — 2.75亿


风靡全球既魔法电影《哈利波特》系列，2009年上映第六集，可以话喺后两集结局以外，最刺激既一集，继续沿用《哈利波特》系列前五集既三位主角，可谓由细演到大。今次第六集用左2.75亿元作成本，多出最初预算既2.5亿，全球票房收益9.344亿。


5. 《魔髮奇缘》（Tangled） —2.81亿


2010年上映既动画电影《魔髮奇缘》，系其中一套人人都估唔到成本咁高既电影之一，咁系因为呢套电影揉合左旧电影传统手绘动画《美女与野兽》、《狮子 王》，以及CGI技术，令经典故事嚟到21世纪既今日，拍出另一种感觉。成套戏最初估计用2.6亿，最终增至2.81亿，而全球收益达至5.907亿。


4. 《蜘蛛侠3》（Spider-Man 3） — 2.91亿


由Tobey Maguire担当主角既蝙蝠侠，嚟到2007年上映既第三集，被外星生物入侵变左奸角之下，终于有「新形象」示人！电影全球票房收益就有8.909亿，而最终成套戏花左2.91亿，多过最初预算既2.58亿。


3. 《铁达尼号》（Titanic）— 2.94亿


1997年上映既电影《铁达尼号》，全球票房收益达到 20.2亿，由今年金像奖出炉影帝Leonardo Wilhelm DiCaprio同喺2009年凭住《读爱》夺得金像奖影后既Kate Winslet拍，由最初预算估计既两亿，到最终成本足足超出接近一亿，达至2.94亿。


2. 《埃及妖后》（Cleopatra） — 3.4亿


喺1963年由英国、美国、瑞士共同合拍既电影，而电影的主角Elizabeth Taylor，更凭住呢部电影而为人熟悉，全球票房收益达至5.78亿，成本由最初估算既4.4亿，到最后埋单用左只系3.4亿。


1. 《加勒比海盗：魔盗王终极之战》（Pirates of the Caribbean: At World's End） —3.41亿


呢套系《加勒比海盗》系列电影既第三集，2007年上映时全球票房收益达到9.63亿，呢集仲请嚟周润发饰演Captain Sao Feng一角，成套戏最初估计用3亿，而最后成本就超出多4千100万元，即总共用左3.41亿。