史上最合拍对手 宋仲基爆宋慧乔做主动

千呼万唤《太阳的后裔》的「撩女大尉」宋仲基和「索爆医生」宋慧乔，前日终于现身香港，昨日两人接受《头条日报》专访时，被指是「撩女大尉」的宋仲基踢爆私底下乔妹如何冧他，搞到「大尉」好鬼感动。

今次宋仲基和宋慧乔来港为Viu TV宣传《太》剧兼为该台开台造势，是两人首度海外宣传，孖住出巡份外兴奋。外界一直以为两人在戏中连吻多次，咀出真感情，加上「撩女大尉」势如破竹的冧 女攻势及撩女对白，向来好易入戏跟对手挞着的乔妹自然冧爆，实情今次竟是乔妹出击做主动。

仲基接受本报专访时，竟踢爆乔妹冧招，「拍摄期间，宋慧乔一直很照顾我，特别当我拍戏受伤后，佢竟然同我讲唔使担心，先休息好身体，佢会同剧组度期先跳拍左佢嘅部份，佢呢个举动真系令我好感动，非常感激佢，佢之前仲同我讲过，好期待下次再合作。」

乔妹亦不避嫌大讚仲基是史上最合拍对手，「未合作前都知道佢出名系乖乖仔，合作后发现佢好守时又专业，对工作好认真，大家嘅工作态度都好相似，佢真系个好好嘅对手，所以我都好想再同佢合作，可惜，今次我的嘅角色太过深入民心，相信要相隔一段时间先可以再合作。」

对于戏中忠粉至爱的撩女对白「想我道歉还是表白？」，原来两位主角一样好冧，特别是仲基，「我收到剧本时，已经觉得啲对白好厉害，特别系呢句对白真 系估编剧唔到，竟然可以谂到咁嘅情景去讲呢句对白，仲要系一句说话，已经要对方做选择，真系好出色。现实我好难会讲呢啲对白，哈哈！一来好难有咁嘅情景， 老实讲，对白真系太骨痹啦！好难讲得出口呀！」

谈 到早前网友将李光洙的头Key落乔妹身上的一辑剧照，仲基边看边笑到停唔到口，「我喺韩国已经有睇过，见到真系唔开心呀！哈哈！上次光洙嚟香港宣传时见 到，仲即刻传左讯息畀我，佢都好唔锺意呀！哈哈！特别系呢张相（入油之吻），离远睇都几似宋慧乔，但近睇真系好惊吓！不过，光洙系我最好嘅朋友，都好多谢 帮我的合成呢张相嘅朋友。」